Erum við aumingjagóð !!

Það er skrýtið að sjá bara 2 bloggfærslur (núna er ég set inn mitt blogg ) um þennan gjörning því það sem þjóðin hefur beðið eftir og óskað að þessir aðilar séu sóttir til saka. Hvar er rödd þjóðarinnar núna, er hún þögnuð? Hvað varð um "Látum útrásarvíkingina gjalda" Er þjóðin svona aumingjagóð? þolir ekki að einn hvítflibbi gisti á Litla Hrauni í jogging galla? Ég vona alla vega að Sérstakur saksóknari haldi áfram sínum störfum og þeir sem eru sekir gjaldi fyrir það. Við þjóðin höfum svo sannarlega goldið fyrir athafnir þessara  manna.

Á Hraunið eftir yfirheyrslur

Burt með þessa helv. ríkisstjórn sem fyrst !!!

Hverslags dómadagsbull er þetta. Nú fyrst hefur skuldarinn einhvern rétt, dæmt af Hæstarétti. Raunverulega á að dæma líka verðtryggingu sem ólöglega. Það er næsta skrefið en hefði í raun átt að vera fyrsta skrefið í átt að réttlæti. Hér á Íslandi hefur skuldarinn engan rétt, ENGAN. Það er búin að vera hér við lýði eignaupptaka vegna verðtryggingar. Verðtrygging er hvergi í vestrænum heimi nema á bananalýðveldinu Íslandi. Það er hægt að fella niður milljarða já milljarða skuldir hjá okkar heimsfrægu víkingum og allt í boði bankanna og þar með stjórnarinnar sem ég vil kalla óstjórn. Svo þegar á að að fara að taka á málum litla mannsins þ.e. almennings, nei þá er sko komið annað hljóð í strokkinn. Burt bara með þessa vesælu óhæfu óstjórn. !!!

Almenningur fengi reikninginn

Varúð ekki nema fyrir 18 ára +

Að mínu áliti kom Hanna Birna best út í þessum þætti. Hún sagðist vera tilbúin að vinna með öllu góðu fólki. Undanfarin 2 ár hefur henni tekist í illu árferði að reka borgarsjóð vel. Framsóknarmaðurinn var ekkert nema frasi. Ég hef alltaf haft gott álit á Degi B.  Eggertssyni en hann olli mér vonbrigðum í þessum þætti, of flokksbundinn. Besti flokkurinn hélt ég í fyrstu að væri bara grínflokkur og myndi draga sig til baka. En nei hann er kominn til að vera og hver veit hvort bara sé ekki best að kjósa hann til að hreinsa aðeins út. Sóley Tómasdóttir skeit upp á bak sér með sinni tilkynningu, ekki orð um það meir. Hinir smáflokkarnir komu þokkalega út, Baldvin (Reykjavíkurlistinn eiginlega best). Þetta er bara mitt álit. Smá grín að lokum.

VG útilokar samstarf við Sjálfstæðisflokk

Hvað er í gangi hér?

Ef þetta er satt sem ég tek með vissum fyrirvara. Ef þetta er satt þá spyr ég hvað er í gangi hér á Íslandi í dag? Hvernig í and.... getur þessi persóna fengið svona lán? Er þetta ekki maðurinn sem sér eftir öllu saman og ætlar að borga þjóðarbúinu til baka, hann gerir það ekki með því að yfirveðsetja eignir sínar. Hvaða fífl lánar svona manni, manni sem er einn mesti svikahrappur Íslandssögunnar.

Jón Ásgeir fékk 440 milljónir króna að láni

Hræðsluáróður ríkisstjórnarinnar

Fyrsta hrakspá ríkisstjórnar Íslands fallin. Þessi óhæfa ríkisstjórn er búin að ljúga að þjóðinni og hafa uppi hrakspár sem ekki standast. Enn eru þau að með yfirlýsingum sínum í dag og er það engin furða þess vegna hvernig erlendir fjölmiðlar bregðast við. Stjórnin stundaði og stundar enn hræðsluáróður sem viðkvæmt fólk trúir, það er ljótt. Aðalatriði þessa Icesavemáls er það að við þurfum í fyrsta lagi að fá að vita hver raunveruleg ábyrgð okkar Íslendinga er í því máli. Um það hefur ekki verið fjallað fyrir dómstólum. Ef svo kemur í ljós að ábyrgðin sé okkar að borga þá gerum við það. En þá þarf að fá almennilega samninganefnd til að fara fyrir okkar hönd. Við sendum ekki samninganefnd sem semur með hagsmuni Breta og Hollendinga í fyrirrúmi. Við látum ekki kúga okkur. Íslendingar hafa aldrei gert það hingað til og við byrjum ekki á því núna.

AGS: Icesave ekki skilyrði

Sorglegt

Ef ég ætti fána þá myndi ég flagga í hálfa stöng þann 30.12.2009. Við höfum óhæfa stjórn við  völd hérna það er augljóst.

Alþingi samþykkti Icesave

Halló

Ég vil fá sömu meðferð með mínar skuldir.

1998: Eigendur njóta trausts

Saving Iceland or not

Það sem við Íslendingar þurfum síst á að halda eru öfgvahópar eins og þessir (Saving Iceland) því þeir eru að vinna á móti okkur. Það er verið að  gera eignaspjöll hjá forráðamönnum Alcoa. LOL gerir fólk sér grein fyrir því að álið er að gefa okkur gjaldeyri inn í landið. Fólki eins og þessu er ekki sjálfrátt. Saving Iceland eru öfgvasamtök sem vinna á móti hagsmunum Íslendinga.Burtu með svona rumpulýð. 

 

Mótmælendur handteknir

VG = svikarar

Þá eru vinstri grænir búnir að sýna sitt rétta andlit. Sviku kjósendur sína. Gaman væri að fá skoðanakönnun núna hvaða stuðning þessi flokkur hefur í ríkistjórn.

Samþykkt að senda inn umsókn

Ekki það nei

18.06.2009

Spegillinn í dag

Stefán Már Stefánsson, prófessor í lögfræði við Háskóla Íslands, einn helsti sérfræðingur Íslendinga í löggjöf Evrópusambandsins, segir Icesave samninginn óvenjulegan og spurning sé hvort stjórnarskráin leyfi að hann sé samþykktur. Hann segir marga óvissuþætti í samningnum og að hann gæti hugsanlega skert fullveldi íslands. Þetta verði þingmenn að hafa í huga og þeir verði að meta hvort samningurtinn feli í sér svo mikið afsal fullveldis að um brot á stjórnarskrá gæti verið að ræða.

Hlusta hér: http://dagskra.ruv.is/ras2/4463017/2009/06/18/

Enginn sýnt fram á að samningurinn stofni Íslandi í hættu