Búsáhaldabyltingin?

Þetta er ekki mín óskastjórn raunar held ég að þetta verði einvher óstórn. Efast um að hún lifi af eitt ár. Man ekki til að vinstri stjórn hafi lifað af 4 ár, leiðrétti mig einhver sem veit betur. Þessi stjórn virðist ekkert vilja gera fyrir heimilin og fyrirtækin. Allavega hef ég ekki séð það en það hefði átt að vera forgangverkefni að mínu mati. Ég er ansi hrædd um að þeir sem kusu þetta yfir sig eiga eftir að iðrast þess.

Ný ríkisstjórn um næstu helgi

Minn flokkur fékk þó 27.3% ekki slæmt

Þrátt fyrir áróður fjölmiðla fékk Sjálfstæðisflokkur þó þessi 27.3% sem sýnir að fólk er ekki algjörlega heilaþvegið af bulli fjölmiðla frá því að hrunið varð. Ég sé nú ekki að Samfylkingin sé að bæta svo mikið við sig og með VG þá eru þetta mjög tæpur meirihluti. Ef Samfylking og VG fara saman þá spái ég þeim ca 1 ári áður en allt springur. Vel á minnst ég hef ekkert heyrt hvað flokkarnir ætla að gera í okkar efnahagsmálum, bara umræður um ESB. Við þurfum að fá einhverjar úrlausnir í okkar efnahagsmálum núna!

Nýtt Alþingi Íslendinga

Ótrúlegt innlegg Kolbrúnar

Við Íslendingar held ég flestir (nema VG) vonum og trúum að þessi Olíu auðlind á Drekasvæðinu  verði kannski komandi kynslóðum til góða . Þegar ég heyrði svo innlegg Kolbrúnar Halldórsdóttur í fréttum í kvöld hugsaði ég "Ætla Íslendingar virkilega að kjósa þetta afl VG í næstu kosningum" Oh verði þeim að góðu. Ekki tek ég þátt í því.

Kolbrún segir þingflokk VG ekki hafa lagst gegn olíuleit

Hvar værum við ef Sjálfstæðisflokkurinn hefði ekki verið við lýði undanfarin 18 ár

Við værum líkast til ennþá á sauðskinnskónum nælandi okkur í einhver sjáfbær verkefni eins og VG kýs að orða það, skil ekki alveg hvað þeir eru að meina.Ef Sjálfstæðisflokkurinn hefði ekki komið að völdum  Þá  hefði aldrei  verið neitt góðæri, við hefðum ekki átt svona mikið  af menntuðu  fólki og fleira mætti telja Sjáflstæðisflokknum  til  framdráttar. Já hvar værum við kæru Landar ef Sjálfstæðisflokkurinn hefði ekki bjargað okkur fyrir 18 árum úr klóm vinstriafla. með sín boð og bönn og gífurlega skatta (Þið sem hafið aldur til munið eftir Óla Grís sem Skattmann) Þetta var árið 1991 að Viðreisnarstjórnin tók við af vonleysisstjórn vinstri afla. Þá var verðbólgan um 100% og við erum að kvarta í dag með verðbólgu um 20%. En ég er samt ekki viss í fyrsta skipti á ævinni hvað ég á að kjósa.

1 Vinstri Grænir.

Nei takk. Heimilin og fyrirtæki þola ekki meiri skattheimtu en er nú til staðar.  Auk þess hafið þið engin úrræði fyrir heimilin . Afleit úrræði fyrir fyrirtækin.

2. Framsóknarflokkur.

Já mér líst vel á ykkar málefni. Lækka skuldir heimilanna um 20% það er sanngjarnt. Svo hafið þið ágætis úrræði fyrir fyrirtækin líka.

3. Sjálfstæðisflokkurinn.

Þetta er flokkurinn minn. Ég held ég gefi honum frí í 4 ár   kannski er ekki viss.

Frjálslyndi Flokkurinn.

Eru með öll málefni sem mér líkar, verst hvað þeir hafa lítið fylgi.

 Hreyfingarnar tvær: Borgar og Lýðræðis, sammála í mörgu. Þyrfti samt margt að breytast til að þið gætuð starfað að einhverju viti. 

 

 

 

 

Það sem skiptir máli í lífinu

Litla ömmu dúllan 4 mánaða gömul.

 

 

 

 

 

 

 

 

 

 

Ég nenni ekki að tala um stjórnmál í bili. Það kemur. En þrátt fyrir starf mitt og mikið að gera einmitt núna þá er mér efst í huga litla Sara Lillý. 

Ísland 51. fylki Bandaríkjanna

Alveg væri ég til í að fórna sjálfstæðinu  og verða 51. stjarna í fána Bandaríkjanna. Við erum hreinlega ekki að meika þetta hér. En ég held þeir hafi engan áhuga á okkur.

Obama: Ekki sömu leið og Ísland

Sara Lillý

Elsku litla Dúllan mín var skírð  þann 8. mars sl. Hún heitir Sara Lillý. Hér erum við saman á sprengidaginn sl.

 

Steingrímur vs AGS

Halló! Var það ekki Davíð að kenna hvað stýrivextir voru háir. Nú er Davíð farinn. Svo hverju er verið að bíða eftir, af hverju ekki að lækka vextina strax? Annars er Steingrímur mjög svo óvenju gestrisinn við þetta fólk frá AGS. Fólk sem hann ætlaði sko að senda til baka með frímerki á rassgatinu ásamt öllum þeirra boðum og bönnum. En þá var hann ekki í stjórn þá þarf maður víst að bera ábyrgð. 

 

Góðir fundir með IMF

Ekki Kreppublogg

Litla sonardóttir mín tæplega þriggja mánaða gömul núna.  Smá frí frá Kreppunni.

Þú litla barn ert lífsins kraftaverk

Þú vekur von um framtíð bjarta

Þú ert dásamleg og furðuverk

Ég  elska þig af öllu mínu hjarta.

 

Amma Sólveig Þóra

 

Bananalýðveldið Ísland

Það er alltaf að birtast mér betur hverskonar bananalýðveldi við búum við hérna á Íslandi. Tökum sem dæmi í gær heyrði ég ræðu Obama forseta USA tala um þær björgunaraðgerðir sem eiga sér stað þar í landi. Það á að bjarga fjölskyldunum frá því að missa allt sitt með því að fólk getur gert nauðasamninga (líkt og fyrirtæki hér) þ.e. til að forða fólki frá gjaldþroti þá gefst þeim kostur á því að semja um sínar skuldir. Hér heima aftur á móti er verið að hagræða fyrir fólki eftir að það lendir í gjaldþroti t.d. sá tími sem þú mátt ekki eiga neitt er lækkaður úr 10 árum niður í 2 sem hefur í rauninni engan tilgang því kröfuhafinn getur viðhaldið skuld þinni ævilangt. Af hverju eru ekki  búnar til aðgerðir hér eins og í USA svo fólk þurfi ekki að standa frammi fyrir gjaldþroti. Gjaldþrot eru engum til góða allir tapa sínu bæði skuldarinn og kröfuhafinn. Mér finnst enginn af okkar ráðamönnum vera að gera neitt af viti sama í hvaða flokkum þeir eru.